In de vieftiger jaore woort door  'e stèl vrun geklasjeneerd euver wie de vastelaovend mèt de klup noe weer  gevierd zow weure. In `ne kaffee aon ’t Vriethof  lanseerde eine ’t idee um good verkleijd en mèt meziek in d’n optoch mèt oet te trekke. Deen eine waors John Hoenen. Met `nen aandere vrund dee good op ’ne kis koos howwe fungeerde zie es trekpeerd vaan de gróp. En gaw voogde ziech nog ‘nen aandere belachelikke tiep, dee op 'e paar instreminte  veuroet kós, aon ’t gezèlsjap vrun touw. En zoe trok mèt de Vastelaovend al in 1958 `ne tróp in d’n optoch, dee miejer leve maakde daan ’nen  eçhte Hermenie en ouch miejer draank nudig had. Veurop leep 'e meidske mèt ‘ne zèllef gemaakde keerbeurstel. Mèt daoraon ophaangend ‘ne dweil.....

t Zaat Hermenieke
4 Fibberwarie
1973.

En zoe ging de Bénde, al träötend en howwend kaffee in kaffee oet, wat flink leve in de brouwerij broch.De naom kaom,es gewoenlik, vaan ’t Vollek vaan Mestreech. ’t Gezèlsjap mèt ‘ne dweil aon ‘ne stèk of e sjèld veurop en miestal ’n kouts mèt beer demiddenin woort hiel populèr bij de lui. De volleksmoond zag al gaw; dao kump ’t Zaat Hermenieke. Dee naom vaan ’t Zaat Hermenieke woort daan ouch in 1959 aongenome. En zoe ging ’t neet allein aon de gèng ’t bleef aon de gèng. Nao ’t sjèld kaom ‘ne drappo veurop. Väöraon in de zestiger jaore woort dee al mèt gedrage. Later neumde men ziech  “De Zaate Herremenie”1959 umtot John Hoenen mèt 't leedsje vaan dezelfde teks 't leedsjes concours in Mestreech had gewonne., De Zaate Herremenie, De Zaate Herremenie! die trek altied mèr wijer ouch al kin dat gaar neet mie! Dat zoong gans Mestreech in 1972. De jury vaan de Tempeleers had dat leedsje bekroend op de wèdstrijd veur ’t bèste Vastelaovendsleedsje vaan Mestreech. John Hoenen waors de tèkst en mezieksjrijver en heer had de Schlager es zjubeleijkado opgedrage aon De Zaate Herremenie1959. Oonaofsjèjelik verboonde aon ’t fenomeen vaan de Mestreechter Straotvastelaovend zal ’t versjijnsel De Zaate Herremenie 1959, same met de aandere hoonderd èllef Zaate Herremeniekes, ziech in de touwkoms blieve inzètte veur ’t welslage vaan de Mestreechter  Vastelaovend en wiet daoboete !!



 

Wee rappeleert  ziech neet die metershoege snie  mèt die drei gekke daog in 1969. Math van Lijf, waors de Stadsprins vaan de Tempeleers..Merie de Bóterblom waors zien leedsje mèh dat had beter Merie de Sniepóp kinne heite.

7 Miert 1973 't ierste Zaate Herremeniekes concours .De Zaate Herremenie 1959 won , zjus wie de aander Hermeniekes met Hónderd èllef punt . Klein begos en groet oetgegreujd  !! De ach deilnummers waore ,Fanfaar Ut Rommedoeke , 't Zaat Herremenieke ,Herremenie zoonder Naom , Vreug en Neugter,  Hèl en Váls , Gein Meziek en Toch Pries , La Kapella Solo Mio , en Noets Toes .

De Zaate Herremenie 1959 toen nog 't Zaat Hermenieke opent hei in 1964 de cortège mèt op de achtergroond de Mestreechter  Pelisies nog mèt de aw pèkskes..  


 

De Zaate Herremenie 1959 heet ( in 1973) 'nen  ierste pries gewonne  op 't ierste Zaate Herremeniekes concours   zjus wie die aander ach  Zaate Herremeniekes mèt hoonderd èlf punte !!!!

D 'n  awwe drappo  vaan 
't Zaat Hermenieke 1959.



 

De Zaate Herremenie prizzenteert ziech op 't Zaate Herremeniekes concours  vaan 1978 mèt twie sjoen Dansmamzelke's.


 

Vastelaovends Dinsdag is d'n daag veur en vaan de Zaate Herremeniekes.Die kinne daan 'nen  ierste pries  hole mèt Hoondertèlf punte, um daan iervol e sèrtifikaat te  óntvaange vaan de zjurie.

t Veendel vaan 
de Zaate Herremenie 1959.



 

An Baltussen  Vastelaovends Vierder 2002.
De Zaate Herremenie 1959.




 

De Zaate Herremenie.
Vastelaovends leedsje 1972.
Wäörd en meziek : John Hoenen.