Tableau    



Opnui Leedsjes Foto's Tableau Callepin

 

Tableau   vaan    De   Zaate   Herremenie    1959     


Zaoterdag  7  Jannewarie  2012.  
 Ierste Repetitie. & Nuijaors Receptie.
 D’n opmaot nao de start vaan de Vastelaovend begint ummertouw bij us mèt nen’ íerste rippetitie en wel in Kaffee Hallo Mestreeg. Um perceis 20.11 oor gief uzze Directeur Huub  e teike um de instreminte te pakke, en um veurziechteg nen ’ ierste toen perbere  te speule.V’r opene mèt ’t aw Vastelaovendsleedsje vaan 2011, um, naotot veer nog eve gèt gedroonke te höbbe, ’t nui leedsje
" Vendaog höb iech geinen tied "  perbere te speule. Oonder de poos kint geer daan weer de contrebutie aon Ans betaole .
Komp alle op tied !!  umtot T.V. Mestreech deen aovend bij us in de kaffee opnames kump make !!
 Zoondag  22 Jannewarie   2012. 
 Oetrope Stadsprins.
 ’t Groete momint veur uzze nuie  Hoege Hoeglöstigheid is aongebroke.Veer goon dee gooie mins um 13.11 oor aofhole vaanoet uzze eigenste  Hoftempel “ Kaffee Hallo Mestreeg ” en  vertrèkke daan riechting de Statie. Vaan dao oet geit ’t weer in ‘ne cortège trök nao de Mèrret boe veer ’t groete momint  vaan démaskee eve aofwachte en trèkke daan weer weier de stad in tot veer meu zien en  neet mie kinne. D’n daag daonao is weer vergadering vaan de Zaate Herremeniekes in de Platte Zaol op de Green. Ederein  is welkom um mèt te goon !!
 Zaoterdag  28 Jannewarie  2012. 
 Ierste Zaoterdag Aovend optrejje
 Vaan-oet Kaffee Hallo Mestreeg vertrèkke veer naoventrint um 20.11 oor de binnestad vaan Mestreech in, um te zien of d’r  nog gèt veranderd is in de  kaffees die veer veureg jaor nog bezeukde.’t Nui leedsje zal zier zeker gespäöld weure aon ’t Vollek vaan Mestreech, zoetot die lui ouch dao gèt vaan kinne liere. Tege de klok vaan twelf oor laope veer weer riechting Hallo Mestreeg um dao nog e lètste gleeske te goon drinke.
 Zaoterdag  4 Fibberwarie  2012. 
Twiede Zaoterdag Aovend optreije
Naoventrint 20.11 oor vertrèkke veer weer vaan oet Hallo Mestreeg de stad in.Weurt ’t weer Den Oude Vogelstruis, Crazy Pie of  Kaffee De Belzj ? Uzze tamboermaitre zal us deen aovend de weeg wijze en wie veer hope us ouch weer tege middernach, trök bringe nao kaffee Hallo Mestreeg. De seniore kinne vaan dao-oet ‘ne taxi bestèlle en veurziechtig nao hoes goon. De jongere die zalle wel nao hoes goon laope……
  Zaoterdag  11 Fibberwarie 2012. 
 Nog Zeve daog....
Nog zeve daog en daan is ’t weer zoe wiet. De Vastelaovend vaan 2012 geit de volgende week weer vaan start !! Veer goon nog nen’ aovend väöl plezeer make veurtot ’t Maske's-Bal ech geit beginne. Deen’ aovend speule veer verpliechde nommers oonder leiding vaan uzze Directeur Huub, dee wie ummer, ach maote veuraof gief. Uzze Habsjaar heet veur de lètste kier de kas mèt genome zoetot me nog de contrebutie aon häör kin betaole.Veer vertrèkke wie ummertouw um naoventrint um 20.11 oor vaanoet Hallo Mestreeg en hope weer trök te zien tege  de klok vaan 24.00 oor. Dao nog ‘ne Tourné General en v’r goon weer nao hoes (De Mieste........)
 Zaoterdag  18  Fibberwarie  2012. 
Vastelaovens - Zaoterdag
 De zaoterdag veur de Vastelaovend is tradisjoneel d ’n daag vaan de generaole rippetiesie.Alles weurt musikaal oet de kas gehaold zoetot veer ’t nui leedsje mèt de Vastelaovend good kinne speule. Mèt de aw kleier aon vaan veurig jaor trèkke veer speulenterend door de stad.Veer kaome um 13.11 oor biejein in Hallo Mestreeg en make ’n rundsje door de binnestad.Tege de klok vaan 18.00 oor goon veer weer trök nao Hallo Mestreeg um daan weer tege de klok vaan 20.11 oor  present zien veur d’n aovend.Veer goon door tot 24.00 oor en drinke same  e lètste gleeske in kaffee  Hallo Mestreeg
 Zoondag    19 Fibberwarie  2012. 
Vastelaovends - Zoondag.
Mèt èlf sjeut vaan 't Momuskenon geit de Vastelaovend vaan 2012 vendaog um 12.00 oor aon de gèng !! Veer vertrèkke (dees kier gèt vreuger ) perceis  um 12.45 oor !!  vaanoet kaffee Hallo Mestreeg nao Wiek en goon dao op  ( zoe snel wie meugelek) in de groete Cortège. Nao de Cortège goon veer door tot 18.00 oor, speuleterend  door de binne-stad vaan Mestreech. Um 20.11 oor is 't weer verzamele in Kaffee Hallo Mestreeg en goon daan 's aovends op weeg  mèt  Vastelaovend viere in de binnestad tot 24.00 oor.
 Maondag   20 Fibberwarie  2012. 
 Vastelaovends - Maondag
 Tege d'n tied tot g'r weer gèt aonspreekbaar zeet vertrekke veer um 13.30 oor vaanoet Hallo Mestreeg veur 'e rundsje -Kindermiddag door de binnestad vaan Mestreech  tot 18.00 oor. Wie deen middag geit weure wete veer zellevers nog neet en wachte aof op weijer nuits vaan de Tempeleers. Nao dee runde geit 't  s'aovends weer wijer   um 20.11 oor vaanoet Kaffee Hallo Mestreeg. Veer bringe daan e bezeuk  aon den' aandere kant vaan de Maos. 't Bezeuk aon Wiek doort tot 24.00 oor en veer zien ouch weer zoegèt um deen tied weer trök in kaffee Hallo Mestreeg veur ‘ne tourné general oet eige tès.
 Dinsdag     21 Fibberwarie  2012. 
Vastelaovends - Dinsdag.
Vendaog zien veer oetgenudig door uzze Hospes Charles & Roos um in Kaffee Hallo Mestreeg te kaome déjunere,  of beter gezach spek mèt ei te kaome ete. Veer weure verwach naoventrint um 11.30 oor.   ' t Zaat Herremeniekes-concour is 't evenemint op d'n derde en lètste Vastelaovendsdaag. Lèt op ! deen daag weurt gèt aanders es veer geweend zien ! Veer vertrèkke vaanoet kaffee Hallo Mestreeg  um 13.oo oor en goon daan 'ne serenaad bringe aon en in twie kaffees.Veer speule dao e paar verpliechde nommers en goon daan nao  't Vriethof veur nen " Ope Air konzèr " veur 't volk vaan Mestreech. Veer blieve biejein, deen daag en aovend, tot veer neet mie kinne.Veer perbere um 19.30 trök te zien in Hallo Mestreeg en dee nog geine zin heet um nao hoes te goon geit gewoen weijer mèt De Zaate Herremenie, mèt of zoonder instremint, tot 24.00 oor !! Daan trèkke veer nao 't Vriethof veur 't aoflaote vaan 't Mooswief.
 Asgoonsdag   22 Fibberwarie  2012.  
Nao de Vastelaovend.Pótse  !!!!!!
Vendaog gèt pótse en de rotzooi opruime zoetot geer weer optied um 17.00 oor in Hallo Mestreeg zeet,  veur ’t lètste snèpke naomelek hieringe biete. Perbeer é bitsje toenbaar te zien zoetot veer ‘ne gooie indruk make bij  uzze hospes Charles & Roos die Us die daog zoe good höbbe verzörgd.




Vastelaovends                 Tableau     Tempeleers                 2012.



Drei daog Vastelaovend.

 Zoondag  19 Fibberwarie   2012.  
Vastelaovendszoondag.
Insjete Vastelaovend en optrèkke vaan 't Mooswief oppe  Vriethof um 12.11 oor.
Groete  Vastelaovends  cortège door Wiek en Mestreech um 13.44 oor.
Cramignon vaanaof de Vriethof um 20.33 oor.
Maondag  20 Fibberwarie  2012.
Vastelaovendsmaondag.
Kinder-middag in  Wiek en Mestreech vaanaof 14.33 oor. Cramignon vaanaof de Vriethof um 20.33 oor
Dinsdag  21 Fibberwarie  2012.
Vastelaovendsdinsdag.
Zaate Herremeniekes concours  um 14.11 oor oppe Vriethof. Kinderkestuumwedstrijd in de Festi-Village um 14.33 oor.
Cramignon vaanaof de Vriethof um 20.33 oor.  23.55 Oor , 't Mooswief kump nao oonder oppe Vriethof , ind vaan de Vastelaovend 2012.  't Volleksleed weurd gespäold en gezónge , de Prins zèt zien möts aof , jaomer meh 't is weer veurbij. Allemaol goon veer nao  hoes en wachte weer op de Vastelaovend   vaan 2013.                            

           




A s s e l e g o o n s d a g



't Vastelaovendsjaor is um en e nui  jaor steit veur de deur.

De Vastelaovend  kaom en gòng. De Prins kaom en gòng. 

Meh De Zaate Herremenie 1959 geit wijer !! 

Veer höbbe de zaak weer roondgekrege en weite us daobij

 gerökesteund door de simpatie vaan uzze lede die 't hart op de gooi

 plaots höbbe zitte.Dat stump us tot daankbaarheid vastelaovends laank !!







Iewege   Vastelaovends  Kelender
 
19-20-21 Fibberwarie-2012
10-11-12 Fibberwarie-2013.  
02-03-04 Miert       -2014.  
15-16-17 Fibberwarie-2015.  
07-08-09 Fibberwarie-2016.  
26-27-28 Fibberwarie-2017.  
11-12-13 Fibberwarie-2018.  
03-04-05 Miert       -2019.  
23-24-25 Fibberwarie-2020.  
14-15-16 Fibberwarie-2021.  
27-28-01 Fibbe/Miert-2022.  
19-20-21 Fibberwarie-2023.  
11-12-13 Fibberwarie-2024.  
02-03-04 Miert       -2025.  
15-16-17 Fibberwarie-2026.  
07-08-09 Fibberwarie-2027.  
27-28-02 Fibbe/Miert-2028.  
11-12-13 Fibberwarie-2029.  
03-04-05 Miert       -2030.
23-24-25 Fibberwarie-2031.
08-09-10 Fibberwarie-2032.
27-28-01 Fibbe/Miert -2033.  		   
19-20-21 Fibberwarie-2034.
04-05-06 Fibberwarie-2035.
24-25-26 Fibberwarie 2036.
15-16-17 Fibberwarie 2037.
07-08-09 Miert        2038.
20-21-22 Fibberwarie 2039.
12-13-14 Fibberwarie 2040.
03-04-05 Miert        2041.
16-17-18 Fibberwarie 2042.
08-09-10 Fibberwarie 2043.
28-29-01 Fibbe/Miert  2044.
19-20-21 Fibberwarie 2045.
04-05-06 Fibberwarie 2046.
24-25-26 Fibberwarie 2047.
16-17-18 Fibberwarie 2048.
28-01-02 Fibbe/Miert. 2049.
20-21-22 Fibberwarie 2050.
12-13-14 Fibberwarie 2051.
 3-04-05   Miert       2052.
16-17-18 Fibberwarie 2053.
08-09-10 Fibberwarie 2054.
28-01-02 Fibbe/Miert  2055.   


13-14-15 Fibberwarie 2056.
04-05-06 Miert        2057.     
24-25-26 Fibberwarie 2058.
09-10-11 Fibberwarie 2059.
29-01-02 Fibbe/Miert  2060.
20-21-22 Fibberwarie 2061.
05-06-07 Fibberwarie 2062.
25-26-27 Fibberwarie 2063.
17-18-19 Fibberwarie 2064.
08-09-10 Fibberwarie 2065.
21-22-23 Fibberwarie 2066.
13-14-15 Fibberwarie 2067.
04-05-06 Miert        2068.
24-25-26 Fibberwarie 2069.
09-10-11 Fibberwarie 2070.
01-02-03 Miert        2071.
21-22-23 Fibberwarie 2072.
05-06-07 Fibberwarie 2073.
25-26-27 Fibberwarie 2074.
17-18-19 Fibberwarie 2075.
01-02-03 Miert        2076.
21-22-23 Fibberwarie 2077.
                           
 		13-14-15 Fibberwarie 2078.
05-06-07 Miert 2079.
18-19-20 Fibberwarie 2080.
09-10-11 Fibberwarie 2081.
01-02-03 Miert        2082.
14-15-16 Fibberwarie 2083.
06-07-08 Fibberwarie 2084.
25-26-27 Fibberwarie 2085.
10-11-12 Fibberwarie 2086.
02-03-04 Miert        2087.
22-23-24 Fibberwarie 2088.
13-14-15 Fibberwarie 2089.
26-27-28 Fibberwarie 2090.
18-19-20 Fibberwarie 2091.
10-11-12 Fibberwarie 2092.
22-23-24 Fibberwarie 2093.
14-15-16 Fibberwarie 2094.
06-07-08 Miert        2095.
26-27-28 Fibberwarie 2096.
10-11-12 Fibberwarie 2097.
02-03-04 Miert        2098.
22-23-24 Fibberwarie 2099.