Eus Zaate Herremeniekes....

Es Slevenier euver zien hart zow strieke
door de Ama's en Ampa's vaan 1900 nao d'n optoch te laote kieke
Die zouwe rope: " wat höbbe veer väöl gemis "
in euze  tied waor 't allein : Houw mer op die kis....
"Jij moet niet zo draaien,jij moet niet zo schuddele met je gat",
dat späölde ein of twie fanfaars,daan had'ste 't wel gehad.
D'n hiele optoch vaan noe is ein en al kleur,
dao zörrege eus Zate Hermeniekes wel veur.
De stumming die zie make mèt hunne meziek,
dat Vastelaovendsgeveul raak'ste noets mie kwiet.
Veer zien gruuts op al Us "Perelkes vaan Mestreech "
mèt de kompleminte vaan alle bewoeners vaan Mestreech !!

Bron:Mevrouw C.Hensen Doijen.




 

De Zaate Herremenie1959

De Zaate Herremenie 1959 is opgeriech in 't jaor 1959. 't Is den' ierste Zaate Herremenie vaan Mestreech en wiet dao boete. John Hoenen waor same mèt e paar vrun d'n oprichter vaan De Aw.'t Is 'ne Zaate Herremenie zoonder regels of statute. 't Rippertwaar  besteit oet aw Mestreechter Vastelaovends-leedsjes meh ouch aander nui leedsjes weure gespäöld.
De stam-kaffee is Hallo Mestreeg boe veer mèt de Vastelaovends-daog biejein kaome.
Lui die 'ne kier mèt wèlle speule of bloze zien altied welkom.

Blamaasj

Blamaasj is 'ne gróp vrun die mèt Vastelaovend
meziek speule vaan s'mörreges vreug tot s’aovends laat.
Zie speule wel hiel hel meh valser es de res en hun motto is ...
S e x, Beer en Friete.
Opgeriech in 't jaor 1988.

De Badjakkers

Zaate Herremenie De Badjakkers is opgerich in 't jaor 1979. In 't begin waor 't e gezellig femilie Herremenieke meh woort later wijer oetgebreid mèt 'nen aontal vrun en bekinde.

Dao Zien ze Toch !!

Dao Zien ze Toch !! 't  Is allemaol begós mèt de Vastelaovend vaan 1990 t/m 1993. Nen' aontal vrun hadde al e instremint um de nek of  boek haange, en späölde  gèt Vastelaovends leedsjes. Roontelum, of mesjiens tijdens, 't preuvenemint vaan 1993 woorte oonder 't genot vaan e  gleeske beer  planne gemaak um same 'ne Zaate Herremenie te goon opriechte..

Us Famfaar

Us Famfaaris opgeriech in 't jaor 1973 en is 'ne  echte femilie Herremenie en liet ziech hure mèt de Vastelaovend en zoe af en touw boete 't vijfde seizoen. Vrundsjap en plezeer steit hoeg in 't veendel bij dees Zaate Herremenie.

Hel Hoeg en Zaat

In 1989 es jeugdorkèske begonne bij de Wieker Fanfaar, toen ‘nen aontal leie op 't idee kaome um ouch mèt de Vastelaovend te goon trötte. Zoe kaome veer terech bij Lène en Bart in kaffee “De Piepelaoij” in de Hoegbrökstraot. Veur ‘n Zaat Herremenie späölde zie toch neet zoe slech, en dat waors ouch de Keemeleers vaan Wieck opgevalle. Lankzaam mèr zeeker woorte zie  hunne  “Hofkepel”.

Katerjach

Katerjach woort in 1974 opgeriech door 'ne  vijftal vrun mèt es  animator Jan Fouraschen. Heer  waor 't muzikale brein achter de Katerjach.  Es  ste  muzikaal bis, zoewie  Jan, is 't deks meujelek um lui meziek te kinne laote leze. Meh heer heet  bedach bij 't indrökke vaan e ventiel, dao nómmerkes aon te geve. Zoe kós ouch heer mèt speule. 't Resultaat waor, en dat veur 'ne Zaate Herremenie,tot ouch nog 't  neet slech kloonk !!

Obbenuijts

’e Gruupke vrun kraog in 1995 't idee um same gèt meziek te goon maake, um zoe mèt de Vastelaovend ‘ns gèt anders um han te höbbe. Zie kochte ziech allemaol, min of mie lökraak, 'nen  instremint en door café de Clinique in de Platielstraot woort bove de kaffee ‘n rippetiesieruimte besjikbaar gestèld. Hunne meziek bestoont oet bekinde Vastelaovendsleedsjes die, zoe wie gebruukelik bei väöl Herremeniekes, door gebruuk te make vaan 1.2.3. de nómmerkes op pepier woorte gezat. En zoe zaoch 't Zaate Herremenieke Óbbenuits t leevensleech.

De Pottemennekes

Herremenie de Pottemennekes is 'ne Zaate Herremenie die in t jaor 1977 is opgeriech in de wiek Potteberg. De femilies Frantzen en Van Mulekom goeijde zich in deen tied biejein en mèt hei en dao nog gèt aonhaangk woorte de Pottemennekes opgeriech. 't Drumstèl vaan de Sjeele woort oeterein gesjrowf um aon instuminte te kaome en hei en dao waore 'nen aontal lui die mèt hölep vaan de nómmerkes 1.2.3. gèt leedsjes kòste goon speule.

Noets in de Brak

De Zaate Herremenie Noets in de Brak is opgeriech in 1987, en besteit nog altied en had in 2010 zien 2x11+1 jaorig bestoon,
Wee had dat gedach (geine dus) en oondertösse heet de band al 'nen aontal preize in de wach gesleip wie de pries veur de mins slechte Zaate Herremenie vaan Mestreech.!!

Tête de Veau

’t Korps woort opgeriech op ‘ne zoondagmiddag on oktober 1979 in ’t hoes van de femilie Bovens in de Groete Staat (ingaank Leliesträötsje). ’t Waor ’n idee vaan Louis Putzeist, Han Hoogma, Lei Bovens en Theo Bovens. Binne ‘nen daag waore vrun en femilieleie geroonseld. Vaanwege ’t groet aontal dèksele, samba-balle, triangels en trommels woort gedach aon de naom ‘Brass Band’. Dao woort associatief ‘Sous Bras Band’ vaan gemaak, nao ’t kleiingstök ‘sousbras’, e zweitlepke wat de erm lui oonder de oksele vaan hun kestuumjeske nejde, es zie e humme zoonder mouwe aon hadde. Aon de Sous Bras Band woort Tête de Veau gekoppeld, ’t mies bekind vastelaovendsgerech.

Staank Stief

Zaat  Herremenieke Staank Stief is opgeriech in 't jaor 1989.Höär klaanke kin me huure vaanaof dat jaor 1989 mèt de Vastelaovend door de straote vaan Mestreech. Daoveur waore ze veul te verlege of lepe ze nog aon 't henneke vaan Peer of Meer. Op hun site komp geer miejer te wete euver dit Mestreechs Zaat Herremenieke.

Zoepe & Bloze

 Zaate Herremenie Zoepe en Bloze is opgeriech in 't naojaor vaan 1975.Den ' ierste leie waore allemaol lei vaan de jongere-sjósseteit Kombi.Al gaw greujde 't oet tot 'ne groete gróp vaan jongere tösse de 15 en 18 jaor.

Um te Jenke.

Zaate Herremenie Um te Jenke is opgeriech in 't jaor 1994.'t Ierste rippetiesielokaal vaan hun waor in kaffee De Smederey.Vaanaof 2008 rippetere zie in Groonsveld en wel in kaffee De Schieper.

Naat en Druug

De Mestreechter Band Naat en Druug is opgeriech in 't jaor 1974 es Zaate Herremenie. Zie zien 'ne gezèllige gróp muzikante boe 't plezeer en de meziek hoeg in 't veendel steit. Zie höbbe ouch 'ne Samba gróp " Secos E Molhadus " . Dee gróp bringk werme klaanke oet Brazilië. Door dee combinatie vaan Samba en harmonie oontsteit 'ne mix vaan werme en gezèllige meziek.
 

Oet de Kuns

Oet de Kuns is opgeriech in 't jaor .......?

   Staank Stief,

Herremenie Staak Stief is opgeriech in 't jaor 1989.In 't jaor  1989 leet Herremenieke Staank Stief veur 't iers höär klaanke hure door de straote vaan Mestreech. Deveur waore zie väöl  te verlege of lepe ze nog aon 't henneke  vaan Peer of Meer. Op hun site komp geer mier te wete euver dit Mestreechs Zaat Herremenieke.
 

 Neet kepot te Kriege

Zaate Herremenie Neet kepot te Kriege
woort opgeriech in 't jaor 1987.

Herremenie Allebenör

Herremenie Allebenör  is
opgeriech in 't jaor 1975

De Bok z'n Kloete

Opgeriech in 't jaor.....?? 

Gein Gezeik

Zaate Herremenie Gein Gezeik
is opgeriech in 't jaor 2005.

 

De Sjevraoje

In de kawwe winter vaan 1987 woort de Zaate Herremenie  " De Sjevraoje " opgeriech. De mieste lede zien gekoume vaan 'nen aander oeteingevalle Hermenieke  naomelek  " De Götsjieters ".Vaan 'nen aw gordijn woort nen 'ierste Drappo gemaak, en me repeteerde veur 't iers in kaffee De PölL gelege aon de Toongersestraot. Later verhuisde me nao Sint Pieter nao 't Pieterkelderke vaan de kèrrek Sint Pieter oonder.

Vreug Zaat

Vreug Zaat is opgeriech in 't jaor 1976. ' Nen aontal vrun en bekinde goeide ziech biejein um same mèt de Vastelaovend speulenterend door de straote vaan Mestreech te trèkke. Nao nen'aontal jaore begós me ouch aander meziek daan Vastelaovends-meziek te speule en heet  me 'ne muzikale leier gekoze um die stökke in te studere.

'ne Ramp

't Zaat Herremenieke 'ne Ramp is oontstaande door 't hoeg water in Heugem. In 't jaor 1994 waor 't weer zoe wiet, " hoeg water  in Heugem". In de gedachte vaan oonderlinge samwèrking heet me toen gedach um e Zaat Hermenieke op te richte. De naom waor neet zoe meujelek um te bedinke, umtot 't hoeg water 'ne Ramp waor veur leuj vaan Heugem-Randwyck.

Sjele Zeik

Zaate Herremenie Sjele Zeik is opgeriech in 't jaor 2011.

Zjus Gebore
Opgeriech in 't jaor 1981 door e paar Scouting vrun. Herremenie Zjus Gebore is'ne kleine mèr hechte, gezèllige groep luij, vaan joonk en aajd. En zoe wèlle veer ouch blieve.

De Vot vaan Sjana

De Vot vaan Sjana
Opgeriech op 11 November 2011.

Klop diech e Eijke

Biejein Gesjraveld

Ermooj Traof

Sjraome en Baome

Mieljaar de moer euver

't Euversjoot