 |
|
Nijs
It
is achter de rêch: it neigesetsje
fan de klupkampioenskippen. De
Stadige Strikers ha fan de beide
oare klups wûn en binne dêrtroch as
twadde einige.
Danielle
van der Schaaf wint frouljusdamjen.
Der dienen mar fjouwer dames mei en
ek noch allegearre fan ús klup.
Dat wy kinne net sprekke fan in
Frysk kampioenskip.
Danielle al in pear jier troch wurk
net op de klup wûn alle partijen.
Utslach: 1 Danielle van der Schaaf
3p. 2 Hennie de Haan 1½p. 3 Tineke
Teigeler 1p. 4 Marjolijn Bakker ½p.
Yn memoriam
Op woansdei 7 maart is sa mar ûnferwachts
ferstoarn ús lid Dooitze Ykema, 75 jier âld. Wy
ha him altiten kend as Dooitzen of ek wol Doffy.
Hy hat jierren by ús op de klup sitten.
Okkerjiers hat er slim siik west en wy wienen
der doe bang foar dat wy him net wer by ús op de
klup sjen soenen. Gelokkich is hy der wer boppe
op kommen. Net alle wiken wie er fan de partij,
mar meastal wol. Hy belle wol ris om te sizzen
dat er de jûns net komme soe. Dan koe er de moed
net op bringe om stûf damme te moatten, want dat
die er altiten: stûf damme.
Ykema wie in sterke en tûke dammer. Hy joech nea
op. Pluze alle mooglikheden nei en as er de
iepening goed troch kommen wie, dan hiest in
dregen oan him. Op it lêste klupkampioenskip yn
Easterein wûn er op it sande boerd alle trije
partijen. Dooitzen woe ek altiten graach winne,
omdat er oan ferliezen eins mar it mier hie.
Ferlear er dan sei er al gau: “Ik sjoch der neat
mear fan. Ik kin der ek wol mei op hâlde!” Oan
de oare kant koe er omraak genietsje fan moaie
slaggen. Yn ien wurd in echte dammer!
Oer it restant fan it klupkampioenskip, dat noch
ferspile wurde moat, die er ek mei oan de
diskusje fan ynfallen en net ynfallen fan in
oare spiler. Doe murk er op: “Stel no dat der
ien fan de dammers stjert, mei der dan ek net
ien ynfalle?” Wat is it bizar dat hy dejinge is
dy stoarn is. Soe er mooglik in foargefoel hân
ha. Wy witte it net, wol witte wy dat wy in tûke
dammer kwyt rekke binne. Dat er yn frede rêste
mei.
Wy winskje syn frou, bern en pakesizzers in soad
sterkte ta om dit sa ûnferwachtse ferlies te
ferwurkjen.
Berne op 19-12-2011 Jesse. Soan
fan Ynte Dijkstra en Akke van
der Burg.
Wy lokwinskje heit en mem mei
harren soan en wy hoopje dat hy
letter in baas dammer wurdt.
Freedtejûn 16 desimber organisearre ús
damklup “De Stadige Strikers” in
stryk-ta toernoai Frysk spul. It Wiersma
Stryk-ta toernoai!
Dêr dienen 29 dammers oan mei.
Utslach:
Eareklasse groep I: 1e Foeke Tiemensma
Frjensjer
2e Folkert Groenveld Jutryp
groep II:1e Jelle Wiersma Wommels
2e Tsjerk Wybenga Arum
Haadkl A 1e Dooitzen Ykema Snits
2e Liuwe Westra Lollum
Haadkl. B 1e Leo Altena Dedgum
2e Macel Altena Blauhûs
Earste kl groep 1: 1e Kees Willem
Koopmans Skearnegoutum
2e Bauke de Boer Snits
groep 2: 1e Jehannes Hoekstra Aldegea-W
2e Tsjerk Wiersma Snits
Twadde kl. gr 1: 1e Herman Terwisscha
van Scheltinga Nijlân
2e Jan Nauta Bitgumermole
gr 2: 1e Harmen Westra Lollum
Tredde kl. 1e Hindrik Twynstra
Skearnegoutum
2e Josette Kalteren Skearnegoutum
Op freedtejûn 18 novimber hat
it fjouwertal, besteande út Jelle Wiersma, Tjalling
Goedemoed, Dicky van der Meer en Ype Boelens it
miniklupkampioenskip yn Jorwert wûn.
Dêrmei ha de Strikers it kampioenskip prolongearre.
Profisiat!
Op freed 29 april is Bauke Bos,
de skriuwer fan ús klup, beneamd ta lid yn de orde van Oranje
Nassau. Hy hat dizze ûnderskieding krigen foar al syn
frijwilligerswurk.
Bauke fan herte lokwinske!
Hennie de Haan, ús Stadige Strykster, is hoed, 26-03-2011 kampioen
wurden fan de froulju. Hennie fan herte lokwinske!
Dooitzen Ykema is ôfrûne snein, 02-01,
opnommen yn it sikehûs te Snits. Hy is operearre en it liket net sa goed. Wy
winskje him fan herte betterskip ta.
Op it Stryk-ta toernoai kamen 37 dammers
ôf. Der is prachtich damd en om sa'n kerier oer tolven foel de lêste slach.
Doe hienen de measten harren priis al yn ûntfangst nommen. Sjoch fierder
foar it ferslach it krantestikje.
Op tongersdei 2 desimber binne sawol Klaasje Dijkstra-Dijkstra, mem fan Ynte
Dijkstra as Baukje Schaap- Wildschut, twadde mem fan Willem Schaap
ferstoarn. Wy winskje harren en de famylje in protte sterkte ta mei dit
grutte ferlies.
Op freedtejûn 10 desimber
organnisearje wy ús jierlikse
damtoernoai.Tagelyk is er it kampioenskip yn
de 1e,2e en 3e klasse. It begjint om 7 oere
en men hat 40 minuten op de klok. Plak fan
striid: Elim Skearnegoutum.
It
toernoai wurdt sponsere troch Wiersma
administraasjekantoar te Wommels. Opjaan by
Ype Boelens op telefoannûmer 0518-451795
tusken 19.30 en 21.00 op tongersdei 9
desimber of op e-mail:
yboelens@gmail.com foar tongersdei 9
oere de jûns.
22-11-2010
Us skriuwer Bauke Bos en syn frou
Wieb wiene moandei 22 novimber 12 1/2 jier
troud.
19-11-2010
Wy bin as klup op ’e nij kampioen wurden fan
it miniklupkampioenskip te Jorwert. Wy ha
fan Hartwert 1, Aldegea 1, Jorwert 1 en fan
Lollum 1 wûn. De spilers wiene Jelle Wiersma
2½ punt út 4; Bauke Dijkstra 3½, Cor
Kooistra 3½ en Ype Boelens 1½.
10-11-2010
Jelle
Wiersma is winner fan it iepen kampioenskip
fan Littenserdiel wurden. Hy is dus
kampioen. Hy behelle 3½ punt út 4 partijen.
Bauke
Dijkstra waard fjirde mei 2 út 4.
It
kampioenskip is oer twa tiideitejûnen
ferdamd yn Jorwert.
10-11-2010
De nestor
fan de klup, Bauke de Boer, is hjoed 10
novimber 87 jier wurden. Fan herte lokwinske!
Wy hoopje him noch in hiele tiid as dammer
yn ús fermidden te hawwen.
|
