Hylke en Sytse binne twillingen. Harren heit is smid yn Marherne, in doarp dat oan de mar leit. De jonges sjogge faak nei de moaie boaten dy't dêr farre. Se soenen sels ek hiel graach in eigen boat ha wolle. Mar ja, dat bliuwt earst in winsk. Op in dei kriget in 'opdrukker' motorpech yn 'e feart achter de smidderij fan de famylje Klinkhamer. Om't it boatsje al sa âld is, wol de eigner der wol fanôf. En sa ha de jonges ynienen in boat. 
Net lang dêrnei wurdt it doarp troffen troch in wynhoas en rekket dokter mei de auto yn 'e sleat. Trochdat Sytse alarm slacht, wurdt dokter fan de ferdrinkingsdea ret. Hy wol Sytse in beleanning jaan, mar dy wol dêr neat fan witte. Uteinlik kriget de twil ling it autowrak fan dokter kado. De jonges slope de motor derút en montearje dy yn harren boat. Hylke en Sytse ha no in boat mei in sterke motor. Mar wat foar namme moat dat ding no ha... 

Tekeningen fan Ruud Hameeteman
Oersetting: Akky van der Veer
Priis: € 5,67

DE KAMELEON HAT SÚKSES 

Op 'e mar by Marherne is hurdsilen. Sytse en Gerben dogge ek mei, mar earst moatte de maten meiinoar Gerben syn boat hielendal opknappe.
Underwilens binne der al gâns dielnimmers op 'e mar oan it oefenjen. Se sette alles op alles, ek al waait it hurd. As Hylke en Sytse mei harren maat Geart yn de Kameleon oer de mar farre, sjogge se dat yn ien fan 'e sylboaten in famke oer board slacht om't de boat te wyld oer de staach giet. Sytse fart fuort nei har ta en it famke wurdt oan board fan de Kameleon holpen.
Soenen de jonges likefolle súkses ha by it sykjen nei de betsjutting fan in riedselachtich briefke dat Geart Ypma fan syn omke krigen hat? 

Tekeningen fan Ruud Hameeteman
Oersetting: Eildert Duijff
Priis € 5,67  

DE KAMELEON BRINGT GELOK 

Op in dei farre Hylke en Sytse mei harren maten nei de oare kant fan de mar. Dêr sjogge se allegear flachjes hingjen en se hearre jûchheigerop. It docht bliken dat der in fierljepwedstriid oan 'e gong is.  

Gerben docht ek mei, hoewol't er Hylke en Sytse dêr neat oer ferteld hat. Hy is benaud dat er mei it fierljeppen in modderfiguer slaan sil. Wêr't Gerben bang foar is, gebeurt ek, want de Kameleon bringt yn dit gefal gjin gelok!  

Tekeningen fan Ruud Hameeteman
Oersetting: Akky van der Veer
Priis € 5,67 

GRUTTE MATEN FAN DE KAMELEON

Maten helpe inoar altyd. Teminsten, dat dogge se meastentiids. Hylke en Sytse ha lykwols wat betocht om harren maat Gerben fan 'e wâl yn 'e sleat te helpen. Se ha twa fuotten fan in etalaazjepop fûn en dêrmei helje se in grap út dêr't net allinne Gerben it slachtoffer fan wurdt, mar Sjoerd en Kees ek.  

Louw helpt Hylke en Sytse. Hy fertelt harren, hoe't se op in maklike manier oan ieltsjes komme kinne. Sûnder te fiskjen! De jonges helpe harrensels dêrmei ek, want no kinne se Gerben en Kees smertejild betelje foar de skea dy't se oprûnen troch de grap mei de fuotten. Foar Gerben is it dêrmei noch net út: hy wol bewize dat hy grappen úthelje kin dy't it hiele doarp yn opskuor bringe.

Tekeningen fan Ruud Hameeteman
Oersetting: Eildert Duijff
Priis € 5, 67

DE KAMELEON FERNIMT UNRIE  

In bestelbuske fan it molkfabryk fan Marherne is samar op in dei weiwurden. It wurdt noch frjemder as bliken docht dat ek de sjauffeur nergens te finen is. Dan fart in lyts frachtskip oer in rubberboatsje hinne. Lokkich is de Kameleon der daliks by, oars wienen der slachtoffers fallen. Flak dêrnei heart Hylke in gesprek tusken twa manlju yn 'e foarriekeamer fan it Paviljoen. Hy kin der mar in bytsje fan ferstean, mar hy heart al dat de twa it hawwe oer 'weiwurkjen' en 'fersnipeljen'.
Noch letter fiskje Hylke en Sytse in tas út de mar. As se dy iependogge, sitte der papieren yn fan de sjauffeur dy't fuort is. Wat is der allegearre te rêden?  

Tekeningen fan Ruud Hameeteman
Oersetting: Jetske Bilker
Priis € 5, 67

OP REIS MEI DE KAMELEON  

Gerben en Klinkhamer hawwe op in dei in heimsinnich gesprek meiinoar. Hylke en Sytse witte net wêr't se it oer hawwe, mar Gerben sil wat keapje, dat is wol dúdlik.
Wat dat is, sjogge se in pear dagen letter as Gerben mei in âlde brânwachtauto troch it doarp hinne reest. De bakker, de slachter en de winkelman binne frijwilligers by de brânwacht en tinke dat der ergens brân is. Yn sân hasten geane se nei de smidderij ta. As Gerben de mannen útleit wat der te rêden is, stekke se fûterjend wer ôf. No hearre de jonges wat Gerben wol mei dy âld auto: hy sil dermei nei de Sahara ...  

Tekeningen fan Ruud Hameeteman
Oersetting: Jetske Bilker
Priis € 6,50

DE KAMELEON YN 'E BRÂNING 

Jierren lyn is Bouke Poelstra ût Marherne weigien. Hy wie doe noch in jonge. No is er weromkommen om yn it hûs fan syn heit en mem te wenjen. Mar dat liket no wol in ruïne. Dêrom beslút Bouke it te slopen en in nij. hûs op itselde plak te bouwen. Mar it wol de lju yn it doarp net oan dat Bouke earlik oan al syn jild kommen is. Want wêr soe in gewoane seeman safolle foar in nij hûs weiheije moatte? As der yn Marherne dan ek noch in bank berôve is, wurdt Bouke fuortendaliks fertocht en troch Zwart opsletten. De iennichsten dy't yn Bouke syn onskuld leauwe binne Hylke, Sytse en Louw. Bouke kin op harren en de Kameleon oan, as "in rots yn 'e bráning! 

Tekeningen fan G. van Straaten
Oersetting: Jetske Bilker
Priis € 5, 67

GOEDE FEART, KAMELEON  

As de garaazje fan dokter yn ’e brân flocht, meie Hylke en Sytse him slope. Fan it hout sille se in hutte bouwe flakby it wenskip fan ’e famylje Vrolijk. Dit wenskip mochten se ek slope, want Louw en syn heit en mem binne ferhuze nei in hûs yn it doarp. De nije hutte sil Piratekastiel hiete en wurdt fuortendaliks al ferovere troch Gerben. Op in moarntiid betraapje de maten in jonge yn ’e hutte, dy’t dêr sliept hat. It is Harm en hy komt fan de heide. Mei harren nije kammeraat belibje de jonges noch in spannend aventoer as der stellen wurdt op in pleats. 

Tekeningen fan G. van Straaten
Oersetting: Jetske Bilker
Priis fl. 5, 67

Fakânsje mei de Kameleon

Op in eilân yn de Marhernster mar kampeare jonges út 'e stêd. In soad wille belibje se net oan har fakânsje, want it is striemin waar en de tinte is lek. Sadwaande skypje de kampearders kjeld. Foaral Hein is der min oan ta. Sytse en Hylke, dy’t mei de Kameleon by de jonges sjogge, binne gau beret en roppe dokter derby. Dy nimt Hein mei nei de fêste wâl: de jonge hat longûntstekking en moat fuortdaliks nei it sikehûs. As Gerben it ferhaal heart, wit er dat it oars kin. Hy komt mei it idee om it âld beurtskip fan Wierda op te keapjen en om te bouwen ta driuwend hotel. En dat is net it ienichste idee fan Gerben…

Tekeningen: G. van Straaten
Oersetting: Jantsje Post
Priis € 6,50

De Kameleon stekt fan wâl

Yn it doarp dêr’t Hylke en Sytse Klinkhamer wenje,  bart fan alles. Sa riidt Kees mei in selsmakke sylwein it wetter yn;  it is mar goed dat Hylke en Sytse der mei de Kameleon gau by binne. Fjildwachter Zwart krijt wer in soad te dwaan, want der ferdwine samar ynienen in soad dingen út it doarp. Binne der miskien dieven by de kampearders of is Gerben Zonderland, de supergrappemaker, dwaande elk foar it lapke te hâlden?

Tekeningen: G. van Straaten

Oersetting: Jetske Bilker

Mear ynformaasje oer de Kameleon-boeken is te finen op de thússide fan útjouwerij Kluitman en it Kameleondoarp Terherne.